ပုပ်ရဟန်းမင်းကြီး နိုဝင်ဘာနှောင်းပိုင်းတွင် မြန်မာပြည်လာမည်

Reuters

ဗာတီကန်စီတီး (Reuters) — ပုပ်ရဟန်းမင်းကြီး ဖရန်စစ် မြန်မာနိုင်ငံသို့ နိုဝင်ဘာနှောင်းပိုင်းတွင် လာရောက်မည့် ခရီးစဉ်အတွင်း ဗုဒ္ဓဘာသာထေရ်ကြီးဝါကြီး ဘုန်းတော်ကြီးများ၊ စစ်ဘက်ဆိုင်ရာ အရာရှိကြီးများ၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့နှင့် တွေ့ဆုံမည်ဖြစ်သည်။

နိုဝင်ဘာ ၂၆ ရက်မှ ဒီဇင်ဘာ ၂ ရက်အထိ ကြာမြင့်မည့် အဆိုပါခရီးစဉ်သည် ရိုဟင်ဂျာပြဿနာများ ကြုံတွေ့နေရသည့် မြန်မာနှင့် ဘင်္ဂလားဒေ့ရ်ှသို့ လာရောက်ခြင်းဖြစ်ကာ ဟောပြောမှုများကို မြန်မာနိုင်ငံတွင် တစ်ကြိမ်၊ ဘင်္ဂလားဒေ့ရ်ှတွင် တစ်ကြိမ် ပြုလုပ်သွားမည်ဟု ဗာတီကန်က အင်္ဂါနေ့တွင် သတင်းထုတ်ပြန်လိုက်သည်။

ဖရန်စစ်သည် မြန်မာနိုင်ငံသို့ ပထမဆုံးအကြိမ် လာရောက်မည့် ပထမဆုံး ပုပ်ရဟန်းမင်းကြီးဖြစ်သည်။

 ၁၉၈၆ ခုနှစ်အတွင်းက ပုပ်ရဟန်းမင်းကြီး ဂျွန်ပေါလ်သည် ဘင်္ဂလားဒေ့ရ်ှသို့ သွားရောက်ခဲ့သည်။

ပုပ်ရဟန်းမင်းကြီး ဖရန်စစ်သည် နိုဝင်ဘာ ၂၅ ရက်တွင် ရန်ကုန်မြို့သို့ ရောက်ရှိမည်ဖြစ်ပြီး နောက်တစ်နေ့တွင် နေပြည်တော်သို့ တစ်ရက်ကြာသွားမည်ဖြစ်သည်။

နေပြည်တော်တွင် သမ္မတဦးထင်ကျော်၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တုိ့နှင့် သီးခြားစီ တွေ့ဆုံမည်ဖြစ်သည်။

နိုင်ငံရေးသမားများ၊ သံတမန်များနှင့် တွေ့ဆုံပွဲသို့ စစ်ဘက်ခေါင်းဆောင်များ ပါဝင်တက်ရောက်ဖွယ်ရှိကြောင်း ဗာတီကန်အကြီးတန်းအရာရှိတစ်ဦးက ပြောကြားသည်။ အဆိုပါ တွေ့ဆုံပွဲတွင် ခရီးစဉ်နှင့် ပတ်သက်သည့် အဓိကအချက်များကို ဦးစားပေးပြောကြားသွားဖွယ်ရှိသည်။

ရိုဟင်ဂျာများနှင့် ပတ်သက်၍ မြန်မာနိုင်ငံအနေဖြင့် နိုင်ငံတကာ ဖိအားများကို ရင်ဆိုင်နေရပြီး ရိုဟင်ဂျာများ အနေဖြင့် ၎င်းတို့၏ ထုံးတမ်းစဉ်လာ၊ ယဉ်ကျေးမှုအတိုင်းနေလိုသောကြောင့် နှိပ်စက်၊ သတ်ဖြတ်ခြင်းများ ခံနေရကြောင်း ဖရန်စစ်က ဖေဖော်ဝါရီလအတွင်း ပြောကြားခဲ့သည်။

ပုပ်ရဟန်းမင်းကြီးက မိမိတို့၏ ရိုဟင်ဂျာ ညီ၊ ညီမများ ဖိနှိပ်ခံနေရကြောင်း၊ ကစ်သလစ်ခရစ်ယာန်များအနေဖြင့် ၎င်းတို့အတွက် ဆုတောင်းပေးကြရန်နှင့် ရိုဟင်ဂျာများအနေဖြင့် လူ့အခွင့်အရေးအပြည့်အဝရသင့်ကြောင်း ဖေဖော်ဝါရီလအတွင်း ပြောကြားခဲ့မှုအပေါ် သဘောထားတင်းမာသူ ဗုဒ္ဓဘာသာဝင်များက မကြေမနပ်ဖြစ်ခဲ့ကြသည်။

နိုဝင်ဘာ ၂၉ ရက်တွင် ပုပ်ရဟန်းမင်းကြီးသည် နိုင်ငံတော်သံဃမဟာနာယကအဖွဲ့နှင့် တွေ့ဆုံမည်ဖြစ်သည်။

အောက်တိုဘာ ၉ ရက် တစ်ရက်တည်းတွင် မြန်မာနိုင်ငံမှ ဘင်္ဂလားဒေ့ရ်ှဘက်သို့ ရောက်ရှိလာသည့် ရိုဟင်ဂျာ ၁၁,ဝဝဝ ကျော် ရှိကြောင်း ဘင်္ဂလားဒေ့ရ်ှနယ်ခြားစောင့်အဖွဲ့က စာရင်းပေးပို့ခဲ့သည်ဟု ကုလသမဂ္ဂ ဒုက္ခသည်များဆိုင်ရာအဖွဲ့က အောက်တိုဘာ ၁ဝ တွင် ထုတ်ပြန်ထားသည်။

မြန်မာနိုင်ငံဘက်မှ တိုက်ခိုက်မှုများကြောင့် နိုင်ငံတကာက ပြစ်တင်ရှုတ်ချထားပြီး လူမျိုးသန့်စင်ရှင်းလင်းမှုများ လုပ်ဆောင်နေကြောင်း ကုလသမဂ္ဂက စွပ်စွဲထားသော်လည်း မြန်မာအစိုးရက ငြင်းဆိုထားသည်။

မြန်မာနိုင်ငံတွင် လူဦးရေ ၅၁ ဒသမ ၄ သန်းရှိသည့်အနက် ရိုမန်ကက်သလစ်ဘာသာဝင် ၇ သိန်းခန့် ရှိပြီး ဘင်္ဂလားဒေ့ရ်ှတွင် အရေအတွက်အနည်းငယ်သာ ရှိသည်။

-------------------------------

အောက်တိုဘာ ၁ဝ ရက်နေ့က ရန်ကုန်မြို့တွင် ပြုလုပ်သော ဘာသာပေါင်းစုံငြိမ်းချမ်းရေး ဆုတောင်းပွဲ (ဓာတ်ပုံများ - ပြည့်ပြည့်/Myanmar Now)